ඉතාලියේ පීසා කුළුණ
ඔයාලා අහල තියනවද ඉතාලියේ සුන්දරිය ගැන.මේ කියන්නේ ඉතාලියෙ ඉන්න රූමත් කාන්තාවක් ගැන නම් නෙමෙයි.එහෙනම් කවුද ඉතාලියේ සුන්දරිය කියලා කියන්නෙ.ඒ තමයි ඉතාලියේ පීසා නගරයේ පිහිටි ඇළවෙන කුලුණ.
වර්ෂ 1173 දී නිර්මානය කරනු ලැබූ මෙම කුලුණ ඇලවු ආකාරයෙන් පිහිටා තිබීමේ විශේශත්වය නිසාම ලෝක පුදුමයන්ගෙන් එකක් ලෙසට ද සැලකෙනවා.මෙම කුළුණ ඇලවීමට හේතුව එය නිර්මාණය කරන අවස්ථාවේ යටිපස ප්‍රමාණවත් ලෙස ශක්තිමත් වී නොතිබීම කියලයි ඉංජිනේරුවන් ප්‍රකාශ කරන්නේ.
දන්නවාද, මේ කුළුණ නිර්මාණය කිරීම වර්ෂ 1173 දී ඇරඹුනාට, එය අවසන් කරන්න වසර 199 කට ආසන්න කාලයක් ගත වෙලා තියනවා.අදියර 3ක් යටතේ නිර්මාණය කරනු ලැබූ මෙම කුලුණ දෙවන මහල නිමකරන අතරතුර තමයි පළවෙනි වතාවට එක් පසකට ඇලවීම ආරම්භ වී තිබෙන්නේ.ඒ හින්දාම මෙහි වැඩ කටයුතු ශතවර්ෂයක් පමණ කාලයක් නතර වෙලත් තිබුණා.මේ කුලුණේ තවත් විශේෂත්වයක් තියනවා.ඒ තමයි මේ කුළුණ සකසලා තියෙන්නේ ගල්, මාර්බල්, හුනුගල් වගේ අමුද්‍රව්‍ය භාවිතයෙන්.
මේ වෙනකොටත් කුළුණ ඇලවෙන්නට පටන් ගෙන තිබුණ හින්දා එය වළක්වන්නට අනෙක් මහල් වල එක පැත්තක උස වැඩි වන ආකාරයට තමයි නිර්මාණය කරල තියෙන්නෙ.
වර්ෂ 1284 දී යුධ ගැටුම් හේතුවෙන් මෙහි වැඩ කටයුතු ඇන
හිටියත්, 1319 වෙනකොට 7 වන මහල දක්වා වැඩ නිම
කර තිබුනා. 1372 දී අවසාන
වශයෙන් ඝණ්ටාර කුටීරය ද මීට එක් කරනු ලැබුවා. ඒ අනුව මෙහි වැඩ කටයුතු අවසන් වෙද්දී
තට්ටු 8 කින් යුක්ත
කුලුණක් විදියට අපිට වදකින්න පුලුවන්.
මෙහි මුලු බර ටොන් 14.500 ක් පමණ වන බවට ගණන් බලා තියෙනවා. මුලින්ම කුළුණ අංශක 5.5 ක් පමණ ඇලවී තිබුණත්, 1990 සහ 2001 අතර සිදුවූ ප්‍රතිසංස්කරණ හේතුවෙන් එය අංශක 3.97 පමණ දක්වා අඩු වී තිබෙනවා.ඒ ව්තරක් නෙමෙයි ඇතුළතට නැගීමට ඒ ඇතුළෙ සර්පිලකාර සෝපාන 294 ක් සකසා තියෙනවා.
.jpg)
No comments:
Post a Comment